في احتفالية عيد الفطر مع أسر الشهداء والمصابين السيسي يكشف أسرارا جديدة حول تهديد الإخوان لمصر

الرئيس السيسي يحضر احتفالية عيد الفطر مع أسر الشهداء والمصابين، بمركز المنارة بالقاهرة الجديدة

0 70٬103

كتب | حسن النجار

حسن النجار
حسن النجار

الرئيس عبد الفتاح السيسي يكشف أسرارا جديدة حول تهديد الإخوان لمصر: «هددوا 3 مرات.. منهم مرة 45 دقيقة خيرت الشاطر يرفع إيده ويقول هنقتل ونحرق»وصل الرئيس عبدالفتاح السيسي،

 

رئيس الجمهورية، إلى مقر احتفالية عيد الفطر مع أسر الشهداء والمصابين، بمركز المنارة بالقاهرة الجديدةواصحب السيسي في أثناء دخوله مجموعة من الأطفال من أبناء الشهداء والمصابين، وذوي الهمم.

 

اقرا ايضا | من مسجد المشير صنطاوي الرئيس السيسي يؤدى صلاة العيد مع أبناء الشهداء ” صور”

 

وقال الرئيس السيسي عند دخوله لقاعة الاحتفال: «أهلا وسهلا، سعداء بيكم، عيد سعيد عليكم وكل سنة وأنتم طيبين، متشرفين بيكم، والله متشرفين بيكم، وكل سنة وأنتم طيبين وعيد سعيد علينا كلنا وعلى كل المصريين».

 

احتفالية عيد الفطر مع أسر الشهداء والمصابين، بمركز المنارة بالقاهرة الجديدة
احتفالية عيد الفطر مع أسر الشهداء والمصابين، بمركز المنارة بالقاهرة الجديدة

 

كشف الرئيس عبدالفتاح السيسي، رئيس الجمهورية، أسرارا جديدة حول ما حدث خلال فترة حكم جماعة الإخوان الإرهابية.

 

وخلال حضور الرئيس عبدالفتاح السيسي، احتفالية أسر الشهداء والمصابين وذوي الهمم بعيد الفطر، المقامة بقاعة المنارة بالقاهرة الجديدة، صعد على المسرح عدد من أبطال مسلسلي «الاختيار 3»، و«العائدون»، وهم ياسر جلال وأحمد عز وكريم عبدالعزيز، وأمير كرارة.

 

السيسي موجها حديثه لأبطال المسلسلين

 

وقال الرئيس السيسي موجها حديثه لأبطال المسلسلين: «فرصة إن إحنا في يوم العيد.. أولا نقول كل سنة وإنتوا طيبين ونشكركم على مجهودكم.. وعايز أقول لكم على حاجة.. اللي انتوا عملتوه كان جزء كبير منه لصالح الأبطال والشهداء اللي ضحوا عشان خاطر مصر تعيش».

 

وأضاف السيسي موجها حديثه لأبطال المسلسلين: «عايز أقول على حاجة تاني ليكم ولكل الناس.. إحنا قولنا إن التاريخ منسيبوش لحد.. والله والله والله إحنا كنا حريصين إن لا يسقط ولا يحصل تصادم.. واللي انتي عملتوه وطلعتوه للناس دي الحقيقة».

 

وتابع: «أنا بقول هنا لكل ولاد وبنات مصر وأسر وشهداء مصر.. أوعى تفتكروا إن ولادكم.. أبهاتكم.. أزواجكم.. سقطوا في معركة طغيان.. لا والله.. إحنا لم نعتدي ولم نطغى..

 

 

إحنا حاولنا.. وكل كلمة اتقالت كانت معبرة عن واقع نقتلوه للناس كلها عشان الولاد الصغيرة دول لما يطلعوا ويكبروا ويقولوا إحنا أبناء الشهداء اللي حافظوا على البلد دي محدش يزيف ولا يشوه تاريخهم ولا يضيع قيمة اللي هم عملوه».

 

الرئيس السيسي شوفوا قد إيه عمل درامي بمثابة ألف كتاب وألف ساعة حوار.

 

واستكمل: «أنا عايز أقولكم تاني.. شوفوا قد إيه عمل درامي بمثابة ألف كتاب وألف ساعة حوار..انتوا متعرفوش إنتوا عملتوا إيه.. مش عايز أتكلم عشان إحنا في عيد..».

 

وفال: «طب تصدقوا بالله.. حتى البيان اللي كتبناه كنا حريصين لحد آخر لحظة ميحصلش صدام.. لا قولنا فيه عزل رئيس ولا قولنا فيه جماعة إرهابية ولا أي حاجة بس يمكن كتير مننا مياخدش باله».

 

السيسي: «أنا بقول ده دلوقتي لاجل خاطر الحقيقة والصدق والأمانة

 

واستكمل الرئيس السيسي: «أنا بقول ده دلوقتي لاجل خاطر الحقيقة والصدق والأمانة متتشوهش.. القيمة الكبيرة اللي عملها المصريين في 2013.. حاولنا كتير قوي إن إحنا نحل المسألة من غير مواجهة أو صدام لكن للأسف.. ادعاء وتشوية لحد دلوقتي.. محدش عايز يفكر يقول يا ترى اللي اتقال جه كان حقيقة ولا حتى نص حقيقة..

 

ربنا يكفينا أهل الشر.. وبقول للمصريين كل سنة وانتوا طيبين وخلوا بالكم من بلدكم.. والكلام ده مكنش ممكن حد في مكاني يسمح إنه يتعمل وهو موجود.. بس أنا قولت علشان كل كلمة وكل موقف ميبقاش فيه كدبة واحدة».

 

وشدد السيسي خلال حديثه على: «إن المرء ليصدق ويتحرى الصدق حتى يكتب عند الله صديقا وإن المرء ليكذب ويتحرى الكذب حتى يكتب عند الله كذابا».

 

الرئيس السيسي المسلسل ده طبعا فيه مشاهد لأجهزة الأمن

 

وأضاف: «المسلسل ده طبعا فيه مشاهد لأجهزة الأمن.. بس اللي ظهر حجمه قليل جنب اللي اتعمل فعلا.. أنا بتكلم عن وقائع خاصة بالدولة.. أنا عايز أقولكم إن الموضوع اللي حصل فيه تهديد مباشر للجيش اتعمل 3 مرات.. مرة اتعمل مع المشير الله يرحمه حسين طنطاوي واتقال إن لو الانتخابات والنتايج طلعت غير الرئيس الله يرحمه مرسي البلد هتولع».

 

الرئيس السيسي: «المرة التانئة لما خيرت الشاطر قال إحنا حرقنا المقرات بتاعة الحزب الوطني

 

واستكمل الرئيس السيسي: «المرة التانئة لما خيرت الشاطر قال إحنا حرقنا المقرات بتاعة الحزب الوطني ونقدر نعمل محاكمة شعبية ونحاكمهم.. المرة التالتة كانت ليا شخصيا.. وقسما بالله 45 دقيقة بيعمل بإيده كده ويقولي هنقتل وهنجيب من كل حتة وهنولع الدنيا..

 

أنا بقسم بالله أحسن ناس يقولوا ما تطلعوا الحاجات دي.. لأن إنتوا هتلاحظوا إن رد الفعل دلوقتي حالة من الاستنفار الشديد من جانبهم وادعاء وتزييف وزيف.. صحيح بيعمله كده.. رغم إني قعدت 7 سنين لم أذكرهم مرة واحدة وكنت أقول أهل الشر عشان أدي فرصة لأهل الشر يتراجعوا عن الشر.. ربنا يهيدنا كلنا».

 

اقرا ايضا | الحلقة الثالثة من مسلسل «الاختيار3 » الفريق السيسي لـ«مرشد الإرهابية» بسبب الجيش المصري

 

واختتم حديثه قائلا: «لسه الدور مخلصش.. كدراما وكمسلسلات في بناء وعي حقيقي للبلد دي هيكون على أكتاكفم وعلى عقولكم.. وأنا أتصور إن المسلسلات دي كانت كاشفة لذوق وعقل المصريين.. لم يختلف اتنين عليها.. وباسمي باسم كل الناس بشكركم».

 

الرئيس السيسي يكرم عددا من أبناء وزوجات وأسر الشهداء والمصابين

 

وشارك الرئيس عبدالفتاح السيسي، رئيس الجمهورية في احتفالية أبناء وأسر الشهداء والمصابين وذوي الهمم والأطقم الطبية، بمناسبة عيد الفطر، والتي أقيمت في قاعة المنارة بالقاهرة الجديدة.

 

وخلال الاحتفالية كرم الرئيس السيسي عددا من أبناء وزوجات وأسر الشهداء والمصابين

اترك رد

لن يتم نشر عنوان بريدك الإلكتروني.