خلال كلمته فى الكلية الحربية ” الرئيس السيسي ” تحسين حياة 60 مليون مصري فى مبادرة “حياة كريمة”
خلال كلمته فى الكلية الحربية ” الرئيس السيسي ” تحسين حياة 60 مليون مصري فى مبادرة “حياة كريمة”
كتبت | مني السباعي
خلال كلمته فى الكلية الحربية ” الرئيس السيسي ” تحسين حياة 60 مليون مصري فى مبادرة “حياة كريمة” .. تحدث الرئيس عبد الفتاح السيسى، عن مبادرة “حياة كريمة”، قائلا: “احنا بنستهدف حياة 60 مليون لكن حياة كريمة احنا إن شاء الله مستمرين فيها..
ولو ربنا وفقنا فيها يبقى كرم كبير من عند ربنا وعملنا حاجة جميلة لبلدنا، ونحن مستمرون زي ما احنا.. يمكن بنحاول نحوكم إجراءاتنا لمجابهة الظروف الموجودة فى مستلزمات إنتاج أو مشتقات بترولية زادت قيمتها فاحنا بنحاول نعمل ده”.
[better-ads type=”banner” banner=”32025″ campaign=”none” count=”2″ columns=”1″ orderby=”rand” order=”ASC” align=”center” show-caption=”1″ lazy-load=””][/better-ads]
كلمته فى الكلية الحربية
وأضاف الرئيس السيسى، خلال كلمته فى الكلية الحربية: “حياة كريمة ماشية أه.. اللي هما المرحلة الأولى وهتمتد معانا لآخر السنة.. كان هدفنا اننا نخلص فى شهر 6 أو 7 الماضي ولكن مش عشان التمويل لأننا حطينا التمويل وقولنا هنحافظ عليه..
مقالات ذات صلة
ولكن لإن سلسل التوريد كان لها تأثير فى كثير من الحاجات اللى بنجيبها يعنى لما بنعمل محطات معالجة لما بنعمل أشغال بتحتاج بعض المنتجات اللى بنجيبها من الخارج.. قولنا هسنتحمل الـ6 أشهر القادمة”.
وتابع الرئيس السيسي: “الوعى بيتبنى بحاجات كثير أدوات المجتمع بيعملها وأدوات الإنسان بيعملها.. المجتمع بيعمل ايه عندك التعليم عندك الإعلام والأسرة والمؤسسات الدينية ولو حصل أى خلل فى عنصر أو 2 منهم يبقى ليه انعكاس على الشخصية اللى بنتكلم عليها هنا.. الوعى يتشارك فيه الكل مش حد لوحده لكن انتم عندكم الفرصة انكم تعملوا ده فى وحداتكم”.
وقال الرئيس السيسى فى نهاية كلمته: “مرة ثانية مبروك وافرحوا وخلوا بالكم من نفسكم وأسركم.. حياة جديدة ان شاء الله تبقى حياة طيبة وهتلاقوا الناس كلها فرحانين بيكم حتى الوحدات اللي هتروحولها هيبقوا مستنيينكم بيعتبروا الضابط اللي جاى جديد ده حاجة عظيمة جدا.. أنا بثق فى شبابنا وفى شاباتنا فى مصر بصفة عامة وطبعا بشباب الجيش بصفة خاص.. مبروك.. ألف مبروك”
وتابع الرئيس عبد الفتاح السيسي ان الدولة المصرية تدعم التأمين الغذائي الشامل. قال الرئيس المصري عبد الفتاح السيسي: اليوم خلال كلمته بالكلية الحربية “عملنا على التأمين الغذائي الشامل للدولة، إن لدينا احتياطيات من القمح والأرز والسكر والزيت يكفينا مدة كبيرة، وإحنا حريصين على الحفاظ على هذه الكتلة،
وعشان كده لما حصلت الأزمة اللى فاتت اللى بدأت فى مارس تلاقوا إن الحاجة كانت موجودة والناس كانت بتنزل تجيب اللى عايزاه وعمرنا ما قلنا لحد ما تخدش.
وأضاف الرئيس السيسي: “التسعير اتأثر كتير.. حاولنا أنه لا ينعكس على المواطن.. يعنى احنا لو بنجيب القمح بثمن.. اللى احنا جبنا بيه؟؟
طيب هى غليت برة زادت واحنا جايبينها بزيادة احنا لم نعكس الزيادة على المواطن.. ومثلا لو قولت إن رغيف العيش كان بيتكلف 60 – 65 ودلوقتى بيتكلف 80 هو برضه بيتباع للمواطن بـ5 قروش.. حاولنا اننا نحافظ إن التسعير ما يتغيرش.. طيب الدولة تتحمله.. نعم تتحمله.. الكلام ده ينطبق على الطاقة طبعا.
