الوطن اليوم
الوطن اليوم بوابة إخبارية شاملة تقدم أهم الأخبار العربية والعالمية على مدار الساعة، وتغطية مستمرة لأخبار السياسة والرياضة والاقتصاد والفن وبث مباشر.

اخبار عاجلة

بوابة الوطن اليوم تعلن ..اهم تصريحات مرتضى منصور بشأن أزمة احتجاز الناقد الرياضي” عبد اللطيف فوزي” رئيس تحرير موقع “زمالك نيوز”،

0

بوابة الوطن اليوم .. تعلن اهم تصريحات مرتضى منصور بشأن أزمة احتجاز الناقد الرياضي” عبد اللطيف فوزي” رئيس تحرير موقع “زمالك نيوز”،اطلق المستشار مرتضى منصور رئيس نادي الزمالك العديد من التصريحات الهامه،

 

بشأن أزمة احتجاز الناقد الرياضي” عبد اللطيف فوزي” رئيس تحرير موقع “زمالك نيوز”، وهاجم حسين لبيب واحمد شوبير وتقدم بطلب صادم لجمهور الفارس الابيض.

 

وشهدت الساعات الماضية حالة من التضامن على كافة صفحات مواقع التواصل الاجتماعي التابعة لجماهير الزمالك من أجل المطالبة بضرورة خروج “عبد اللطيف” بعد احتجازه وهو ما تم بعدها بساعات.

 

تابع ايضا | اخبار بوابة الوطن اليوم خلال الـ 24 ساعة الماضية .. ابرزها القبض علي مرتضى منصور

 

وقال “مرتضى منصور” في مداخله هاتفية ببرنامج زملكاوي عبر قناة الزمالك :”جمهور الزمالك عظيم لم ينام إلا لما خرج أخونا الشاب عبداللطيف فوزي، بشكر اللواء ثروت سويلم ومباحث أمن الدولة والأمن الوطني، بشكرهم لأن ابننا قال إن اتعامل بتحضر وفورا خرجوه وعاملوه باحترام”

 

وأضاف: منصور ” جمهور الزمالك كلهم كلموني علشانه، وأنا معملتش غير الواجب وبشكر الجماهير على مساندة عبد اللطيف وبشكر القيادات الأمنية مرة أخرى

 

وتابع مرتضى: “أنا مش فوق القانون بقول لـ شوبير وحياة هبه لم نفسك وحياة لمياء وحياة أي حد ابعد عننا، ده واحد قالك زورت الانتخابات، ابعد عني ياشوبير ولم نفسك، أنا لا زورت ولا أخدت فلوس لاخدت 6 مليون عمولة في صلاح محسن ومردتش على تركي لما قال عليكم عصابه”

 

واردف منصور: بشكر جمهور الزمالك، ولدي طلب عند جمهور الزمالك افرضوا واحد، بيعمل عمليه ينفع وهو ف اوضه العمليات حد يدخل يقوله افتح من هنا ولا هنا طبعا كل اللي يهمه العمليه تنجح هم فوق دماغي لكن لاهتقيموا لاعبيه ولامدير فني ملكش دعوة دول لعبوا ليه ودول مبيشاركوش ليه انت شجع بس”

 

وواصل مرتضى:”شجع فقط لاغير انت عمرك كسبت الاسماعيلي اكترمن1/0، افرح انك كسبت فريق كبير مش المقاصه اللي اتغلب بضربة جزاء حرام لكن احنا ركلة الجزاء صحيحه، الاسماعيلي فريق كبير ومحترم، مش في ناس كانت بتقول المانجه باظت المانجه باظت، انت اللي طلعت بايظ”.

 

وشدد المستشار مرتضى منصور : ياجمهور الزمالك سيبوا الرجل يشتغل انا مبقدرش اقول لعبت مين ولا بتدخل في شغله هو عارف ظروف كل ماتش، لعيبة بتلعب كل3 ايام وعندهم ماتش مهم مع فاركو بعدها الاتحاد من فضلك بعد اذن سيادتك شجع بس”.

 

واكمل مرتضى:”الجمهور يطلعوا يقولوا مش عجبنا اللاعب ده ولا الصفقة دي، احنا بعد فوزنا بالدوري هنعلن عن الصفقات هو زيزو كان حد عرفه قبل مانتعاقد معه، لما قولت ان مصير ابوحبل في ايد فيريرا طلعوا قالوا لا ابوجبل لا، اي لاعب مصيره في ايد فيريرا، ادخل مش عجبك وتقولوا بيدخل اسكت يقوله لا مش عجبنا”.

 

وأشار مرتضى:” اللعيبة اللي في السوق والاهلي بيفاوضهم اتعرضوا علي وعقودهم عندي وفيريرا قال عاوز ده ومش عاوز ده هو حر، ويقولوا لن يعود ابوحبل خاين عميل ويحب ان يضرب في ميدان التحرير كل ده ولاهياثر فيا انا مش بمشي زي التاني ورا الكلام ده”.

 

وأوضح مرتضى منصور: “الاخ حسين لبيب طلع في قناة العضو المشطوب عضويته في اشارة الى هاني العتال، بمناسبه ايه ياحسين لببيب بتطلع بامارة محمد صبحي بيقولنا مصيري في ايدي،

 

ولاساسي اللي طفشته، ولابن شرقي اللي سيبته لحد عقده ماقرب يخلص ولاجنش في عقده 2 مليون تفعيل شراء اتكسف ياحسين البطولات مرتضى منصور اللعبيه جابهم وتعاقد معهم عيب تطلع تكلم قبل ماتشين مهمين”

 

واكد” مش عاوز اقول المصايب اللي عملتها انت واللجنه وبحترمك وانت قولت الفضل لمرتضى في البطولات دلوقتي بتكلم، ناسي جواب الضرايب اللي جالك 980 مليون والاوقاف والتامينات اتكسف طالع مع شبانه.

 

واستكمل: بتقول جددت لامام عاشور بكام؟ ايه رايك انك موثقتش عقد امام، انت مش عاوز تحترم نفسك وسنك البطولات بلاعيبه مرتضى ومديرين فنيين انا اللي جبتهم جاي قبل ماتشين مهنين تتنطط احترم نفسك عملت ايه للزمالك انت ولجنتك،

 

الـ21 يطولة بلعيبتك ومديرين فنيين بتوعك؟ دول ولادي انا بتفكرني بأب ربى عيال وكبرهم ويوم تخرجهم غاب عن الحفلة،رجعتلك ياحسين ولم نفسك عيل زي ده ضحك عليك وجابك في القناة”

 

تابع ايضا | كامل الوزير لـ برنامج «على مسئوليتي» الصلح بين الخطيب ومرتضى منصور سهلا ويطالب القائمين علي الكرة بالحل ” فيديو”

 

وتطرق في حديثه قائلًا :”مش ممكن كم الشائعات التي تطلقها هذه العصابة على مرتضى منصور، أنا مش اتحبست في قضية ساعات ولا فلوس، الأفندي اللي بيقول اختي ماجدة اختي ماجدة مش بقول ماجده الخطيب سبحان الله يقولي اختي”.

 

واسترسل مرتضى:”لن أعلق على الأحكام القضائية، وفية التفتيش القضائي وفيه تحقيق ومذكرة النقض هتعمل هزة كبيرة ولا تستفزوني مش معقول كل يوم هطلع أقول أنا مش ممنوع أو اقول انا في النادي، والعداد شغال وهنزلك يا عبدالناصر المكالمة وانت بتقول والنبي سامحني،

 

ومش هستفزوني اتكلم على نفس القاضي اللي أعطاني براءة وبعدها حكم شهر”

 

واختتم: مرتضى منصور لـ خالد الغندور لما تيجي تدلع مصطفى تقوله ايه؟ خالد يا درش، مرتضى: حسن ؟، خالد :يا ابو علي، مرتضى محمود ؟ يا ابو حنفي، مرتضى وانا كده خلصت المداخلة”.

اترك رد

لن يتم نشر عنوان بريدك الإلكتروني.