بعد تتويج الاهلي بالسوبر مجدي الهواري عبر «فيس بوك» يهاجم شيكابالا 

كتب| محمد عبد الله  

هاجم المخرج والمنتج مجدي الهواري لاعب نادي الزمالك محمود عبد الرازق شيكابالا على خلفية المشاجرة التي قام بها عقب خسارة نادي الزمالك في نهائي السوبر المصري من النادي الأهلي بركلات الجزاء الترجيحية واهداره فرصة فوز الزمالك. 

وقال المخرج مجدي الهواري عبر «فيس بوك»: «كفاية ياشيكا كدة بقي !، شجع بعيد عن الكاميرا، اتعصب في حدود إنك رمز !، نافس وحقك بس بالكورة! خاف على ناديك بس من غير لقطة، ترندات !، ولا هو لازم الزمالك يبقى فيه حد trouble makert، طب ما توفر الطاقة ديه للمدرب واللعيبة يا أخي في التركيز وإتمام الصفقات الجيدة للشباب الصغير اللي ممكن يعملوا عظمة للنادي وبطولات كتيرررررررة لدولاب مفتقد من جيلك الكثير!».  

وتابع: «ياكابتن الرموز في الكورة معروفين جدا بيعملوا ايه بعد مايكبروا وازي بيدعموا النادي بالأخلاق الحسنة والقدوة الحسنة للأجيال الصغيرة من اللعيبة والجمهور 

لكن سنظل اوفياء.. حاف كده!! متنفعش، شيكا الماتش الجاي تعال جرب تبقي اهدي من كده مش محتاج وانت كابتن كبير اقولك الرياضية مكسب وخسارة والشعارات ديه! انت فاهم وواعي أنا عايز اقول ايه«. 

وأختتم: «اهدي علشان ناديك وجمهورك ومدربك وزمايلك محتاجين تركيز صدقني هتجيبوا بطولات دولاب النادي مفتقد ليها في عشرين سنة تقريبا عمرك في الملاعب،  

وعلي فكرة والله كل الأهلاوية سكتوا في البطولة اللي فاتت لان جمهور الزمالك بجد محتاجها واحنا محتاجين أن المنافس يبقي قوي لان من غير منافسة قوية مفيش كورة ومتعة !،  

اهدي ياشيكا اهدي، بلاش تسمعها بنفسك من التالتة يمين، أهلاوي متصالح مع الخصم».