رسائل «الرئيس السيسي» اليوم في حفل افتتاح محطة قطارات بشتيل السادات تعرض لانتقادات وقطيعة من بعض الدول بسبب اتفاقية السلام مع إسرائيل
كتب| حسن النجار
قال الرئيس عبد الفتاح السيسي رئيس جمهورية مصر العربية خلال حفل افتتاح محطة قطارات بشتييل إن الرئيس الراحل محمد أنور السادات تعرض لانتقادات وقطيعة من بعض الدول بسبب اتفاقية السلام مع إسرائيل.
أضاف السيسي، خلال كلمته في حفل افتتاح محطة قطارات بشتيل، اليوم السبت: «السادات لما خد القرار كل خصومه كانوا كسبانين، وكل الدول قاطعت مصر».
وتابع: «أعتقد كل 10 سنين بيتكتب للسادات صفحة جديدة في التاريخ عشان يقول له (إنت هزمت خصومك وإنت مش موجود.. وكل اللي أساء لك هزمتهم وإنت مش موجود)».
وأردف السيسي: مش لازم كل حاجة الناس تكون فاهماها في وقتها، والقرار اللي بيتاخد بيتاخد ليه، لكن في النهاية الزمن بيرد، وفي رب عظيم علّام حكيم هو اللي هيفصل بين الناس.
في سياق متصل، علق الرئيس على قائمة أكبر المنتجات التي تم استيرادها منذ عام 2014 وحتى عام 2023، قائلًا: «عند النظر إلى البند رقم 16 في الجدول المعروض أمامكم يتبين استيراد عطور ومزيلات عرق وماء توايلت، بـ440 مليون دولار».
وأضاف: «أنه تم استيراد مستحضرات تجميل بـ500 مليون تقريبا، وحقائب يد بـ200 مليون، وشيكولاتة بـ400 مليون، حتى السيراميك بـ235 مليون، وتلوموني وتقلولي الدولار غلي ليه».
وأوضح السيسي: «مابقولش أننا نقفل البلد علشان الناس ماتفهمش غلط، ورق الفويل بـ500 مليون؟!، ورق الفويل مابنعملوش؟، الجبنة بمليار و200»
وأضاف متسائلًا: «مش عارفين نعمل مصانع ننتج الحاجات اللي الناس عايزاها»، متابعا: بقول الكلام ده علشان تعرفوا أن الحلول معانا احنا مش قصدي أنا ولا كامل الوزير أقصد معنا نحن كـ«مصريين» ورجال أعمال.
وذكر الرئيس السيسي أن ما تم عرضه هو عبارة عن فرصة عمل للمصريين لإنتاج هذه المنتجات لمصر، وبيعها وإتاحة فرص عمل وأن يكون هناك ناتج محلي، وقد يكون بها بعض ضرائب للدولة، متابعًا: «يا ترى دة اسلم ولا أجيبها من برة؟»..