تقرير | الرئيس السيسى:خلال جولته بمحافظة البحيرة “مسيطرون على الأمور بفضل الله وهنعدى من كل الأزمات”

كتب| حسن النجار

الرئيس السيسي: “مسيطرون على الأمور بفضل الله وهنعدى من كل الأزمات” قال الرئيس عبدالفتاح السيسي: “قبل ما أجيلكم عديت على دار مسنين كنت في حالة تانية خالص والناس الكبار ليهم عند ربنا مكانة.. هتجدوا طاقة جميلة جدا رحمات ربنا مع الناس الأفاضل”.

أضاف الرئيس السيسي على هامش جولته بمحافظة البحيرة: “اطمنوا بفضل الله سبحانه وتعالي مسيطرين على الأمور وماشية.. ولازم زى كل حاجة بتحصل في دنية ربنا..

 وكل حاجة ليها بداية وتنتهى.. أى أزمة بتعدي بفضل الله وكنت منتبه قوى في مسيرة عمرى على الأزمات اللى عدت علينا في مصر وكنت بقول معقول الحاجات دي هتخلص؟.. وخلصت .. واللى احنا فيه بفضل الله وفضلكم هنعدي من كل الأزمات وهنبقا أحسن..

 وأتصور لو هتشوفوا الريف زمان كان شكله عامل إزاى؟.. مش كانت الناس بتاكل الذرة صفرا ولا إيه؟ والشعير؟.. مع الوضع في الاعتبار إن الريف كان شكله جميل لما كان العدد مش ضاغط ..لكن دلوقتي الدنيا اتغيرت خالص وده امر نحبه ونجرى عليه اكتر من كده”.

تابع الرئيس: “كنت بقول النهاردة ان الترعة اللى اتبطنت هتعود علينا كلنا طالما انت سعيد يبقا انا مبسوط والا ابقا ان مش منكم .. لو فرحتكم متفرحنيش يبقا انا مش منكم ولو زعلكم ميزعلنيش يبقا انا برضه..

اومال احنا موجودين ليه؟.. احنا بخير وهنبقا بخير اكتر وبيكم وجهدكم وتحملكم هنبقا بخير اكتر يا رب يحفظنا كلنا”.                                                                   

احتشد أهالي قرية الأبعادية في محافظة البحيرة، لاستقبال الرئيس عبدالفتاح السيسي، رئيس الجمهورية، خلال زيارته اليوم الأربعاء، لافتتاح عدد من مشروعات حياة كريمة،

 ولقاء عدد من المواطنين والقيادات الشعبية بالمحافظة، حيث ردد المواطنون هتافات بنحبك ياريس، تحيا مصر، حاملين صور رئيس الجمهورية وأعلام مصر، وسط تعالي الزغاريد السيدات ترحيبًا بقدم الرئيس السيسي.

وتوجه الرئيس عبدالفتاح السيسي، بالشكر للمواطنين ولمتطوعي المشروع القومي حياة كريمة والتحالف الوطني للعمل الأهلي، قائلًا: بفضل الله وتطوعكم  بكل الشغل الي بيتعمل حتى الي مش بشوفه،

 الشباب والشابات الي مش بشوفهم بقولكم متشكرين.. بشكر كل شاب وشابه اشتغل هنا مش باسمي بس باسم مصر والمصريين، مفيش مقابل أبدا حد يقدر يديه لحد مقابل إنه يسعده،

 بشكركم وكملوا، متسائلًا: ده الريف بتاعنا؟ دا الريف بتاعنا الي كانت الناس فيه محرومة من حاجات كتير.. متشكرين وعايزين نكمل.